Nunatsinni Unnuk Kulturisiorfik
Unnuk Kulturisiornissaq tulleq pissaaq arfininngornermi januaarip 24-anni 2026-mi
Unnuk Kulturisiortarneq ukiumoortumik pisarpoq, suliffeqarfippassuit kulturimullu attuumassuteqartut suliffeqarfiusut tamanit alakkarneqarsinnaallutik ammatitsisarlutik misigisassanillu immikkut ittunik neqerooruteqartarlutik. Inunnut attuumassuteqanngitsunut matoqqasaraluartut misigisassarsiorfiginissaannik periarfissatsialaavoq. Sammisaqartitsinerit assigiinngitsut kulturimut, oqaluttuarisaanermut pinngortitamullu attuumassuteqartut neqeroorutigineqartarput.
Nunatta Atuagaateqarfia Nuummiittoq nuna tamakkerlugu Unnuk Kulturisiortitsinissamut ataqatigiissaarisuusarpoq.
Tamatuma saniatigut atuagaateqarfik ukiut tamaasa aliikkusersuinermut, tusarnaartitsinermut tunngasunik sammisassaqartitsisarpoq namminerlu kaffinik kaaginillu tuniniaasarluni.
Unnuk Kulturisiorfik pillugu apeqqutissaqaruit attaveqatigiinnermut tunngasunik suliaqartorput attavigisinnaavat: kulturnat@katak.gl imlt. 348933.
Aaqqissuisunut
Maluginiaqquarput Unnuk Kulturisiorfittoqarnissaanut kulturnat.gl-imut pilersaarummik ilanngussisarnissamik allannguigatta.
Unnuk Kulturisiorfiup nittartagaani programimi pilersaarutitut aaqqissuussassinnik ilanngussiniarussi ukioq manna imaaliussaasi:
- Nuummi pisussamut pilersaarummik ilanngussiniarussi, kakkiussaq ilitsersuut ima atilik malissavarsi: Unnuk Kulturisiorfik - Nuummiittunut
- Sinerissami pisussamut pilersaarummik ilanngussiniarussi, kakkiussaq ilitsersuut ima atilik malissavarsi: Unnuk Kulturisiorfik - sinerissamiittunut
Pilersaarutitut aaqqissuussarsi kulturnat.gl-imut uagut ilanngutissavarput.
Pilersaarutitut aaqqissuussarsi kingusinnerpaamik januaarip 15-ianni 2026-mi nassiutereersimassavarsi.
